བརྩེ་བ་བཟླས་པ།

ལུང་གཞུང་དེ་ཧ་ཅང་གྲང་བ་ལ་ང་ཡི་ཕ་ཡུལ།།
རྨི་ལམ་འདིའང་དེ་ལས་གྲང་བ་ལ་ང་ཡི་ས་མཐའ།།
གྲང་ངར་དེ་བསུ་བ་དཔའ་བ་ལ་ང་ཡི་ཕ་མེས།།
དཀའ་སྡུག་དག་བཟོད་པ་མཛེས་པ་ལ་ང་ཚོའི་བློ་སྦྱོང་།།

སྐད་འཕྲིན།

སྐད་འཕྲིན་སྒྱུ་མའི་སྲོལ་གྱིས་གློ་བུར་དུ་བཀྲམས་སོང་།

སྐད་འཕྲིན་སྐད་ཅིག་ཉིད་ལ་བོད་ཁམས་སུ་ཁྱབ་བྱུང་།

འདིས་ནི་ལྷན་འཛོམས་ཀྱི་བདེ་བ་དཀྲོཊ་ནས་བུད་འགྲོའོ།།

འདིས་ནི་ལྷང་འཇཊ་ཀྱི་མངར་ཁ་གཏོར་ནས་བུད་འགྲོའོ།།

འཁྲིས་ན་བཞུགས་པའི་མཛའ་གཅུག་དག་བཞག་ནས།

རྒྱང་ན་གྲགས་པའི་ཆ་མེད་དེ་དག་གི་སར་ཁྲིད་འགྲོའོ།།

རྗེས་དྲན་བགྲོ་གླེང་ཚོགས་འདུ།

ཕྱི་ལོ་ ༢༠༡༤ ཟླ་ ༡༢ ཚེས་ ༡༤ ཉིན་བཞུགས་སྒར་བོད་ཀྱི་དཔེ་མཛོད་ཁང་དང་པེན་བོད་ཀྱི་རྩོམ་པ་པོའི་མཐུན་ཚོགས་ གཉིས་ཀྱིས་བཀོད་སྒྲིག་བྱས་པའི་མཁས་དབང་བཀྲ་ཤིས་ཚེ་རིང་མཆོག་རྗེས་དྲན་བགྲོ་ གླེང་ཚོགས་འདུ་དེ་བོད་ཀྱི་དཔེ་མཛོད་ཁང་གི་ཚོགས་ཁང་དུ་འཚོགས་པ་དང་། ཤེས་བཀའ་བློན་དངོས་གྲུབ་ཚེ་རིང་མཆོག་གིས་སྣང་གསལ་མར་མེ་ཞལ་འབྱེད་དང་པེན་བོད་ཀི་ རྩོམ་པ་པོའི་མཐུན་ཚོགས་ཀྱི་དྲུང་ཆེ་འོད་ཟེར་ལགས་ཀྱིས་ཚོགས་ཞུགས་པ་ཚང་མར་ འཚམས་འདྲི་ཞུས་ཐོག་མཁས་དབང་བཀྲ་ཤིས་ཚེ་རིང་མཆོག་གི་སྐུ་མྱ་ངན་དུ་འདས་པ་ལ་ ཚོགས་བཅར་བ་ཚང་མ་སྐུ་བཞེངས་ཀྱིས་མྱ་ངན་ངག་བཅད་སྐར་མ་གཅིག་རིང་བྱས་པ་དང་།

དགོངས་རྫོགས་མྱ་ངན།

    བོད་ཀྱི་སྐད་ཡིག་དང་རིག་གཞུང་ཐོག་བྱས་རྗེས་རླབས་པོ་ཆེ་བཞག་པའི་བོད་ལྗོངས་སློབ་གྲྭ་ཆེན་མོའི་སློབ་སྤྱི་ཟུར་པ་ལྕང་ལོ་ཅན་ཚེ་དབང་འགྱུར་མེད་ལགས་(1945-2014)དང་། བོད་རྒྱ་དབྱིན་གསུམ་གྱི་ཚིག་མཛོད་རྩོམ་སྒྲིག་གནང་མཁན་བོད་ལྗོངས་མི་རིགས་སློབ་ཆེན་གྱི་དགེ་རྒན་བཀྲ་ཤིས་ཚེ་རིང་ལགས་(1929-2014)གཉིས་ཕྱི་ཟླ་12པའི་ཚེས་5ཉིན་མི་ཚེའི་འཕེན་པ་རྫོགས་པར་མྱ་ངན་གུས་འདུད་དང་བཅས།

སེམས་ཀྱི་ན་ཟུག

http://papa.me/post/c1Nb0Ox6

ཚིག ཐོར་རྒོད་པ་སྤྱན་ཆབ།

གདངས། ཚེ་རིང་སྒྲོན་མ།

གཞས་པ། ཚེ་རིང་སྒྲོན་མ།

ཁྱེད་རང་བསམ་ན་སེམས་ཀྱི་ན་ཟུག་རེད།།

ཁྱེད་རང་མཐོང་ན་མིག་གི་ན་ཟུག་རེད།།

ཁྱེད་རང་གླེང་དུས་རྣ་བའི་ན་ཟུག་རེད།།

ཉིན་མཚན་དཀར་ནག་སྒོ་ར་ཕྱི་ནང་དང་།།

ཁ་ཐག་རིང་ཐུང་སེམས་ཀྱི་བར་ཁྱམས་ནས།།

མདོར་ན་ཁྱེད་རང་ང་ཡི་ན་ཟུག་རེད།།

སེམས་ཀྱི་ན་ཟུག

སེམས་ཀྱི་ན་ཟུག

http://papa.me/post/c1Nb0Ox6

ཚིག ཐོར་རྒོད་པ་སྤྱན་ཆབ།

གདངས། ཚེ་རིང་སྒྲོན་མ།

གཞས་པ། ཚེ་རིང་སྒྲོན་མ།

ཁྱེད་རང་བསམ་ན་སེམས་ཀྱི་ན་ཟུག་རེད།།

ཁྱེད་རང་མཐོང་ན་མིག་གི་ན་ཟུག་རེད།།

ཁྱེད་རང་གླེང་དུས་རྣ་བའི་ན་ཟུག་རེད།།

ཉིན་མཚན་དཀར་ནག་སྒོ་ར་ཕྱི་ནང་དང་།།

ཁ་ཐག་རིང་ཐུང་སེམས་ཀྱི་བར་ཁྱམས་ནས།།

མདོར་ན་ཁྱེད་རང་ང་ཡི་ན་ཟུག་རེད།།

སྐད་ཆ། སྐད་ཆ། སྐད་ཆ།

སྐད་ཆ། སྐད་ཆ། སྐད་ཆ།

སྐྲན།

འཇིག་རྟེན་ཁམས་ཟེར་བ་འདིའམ།
རྫུན་དང་ཤོབ་ཀྱི་ས་ཚིགས་འདི་རུ།

ད་ལོ་དང་ན་ནིང་ནས།

སྐད་ཆ་ཤོག་སྐྱ་འདྲ་བ་དང་།
ཁང་རྩེག་འདྲ་བ།

གོས་སྒམ་འདྲ་བ།

འདྲུད་ལྷམ་འདྲ་བ།

བརྙན་འཕྲིན་འདྲ་བ།
ཀུ་ཤུ་རྟགས་ཅན་གྱི་ལག་འཁྱེར་ཁ་པར་འདྲ་བ་དེ་དག

ང་ཡི་གཡས་དང་གཡོན་ནས་སྐྱེས་ཤིང་།
ཉེ་འགྲམ་དག་ནས་སྐྱ་ཆག་ཉིལ་ལེར་འཇིག་དུས།

*ཨ་ཕོ་ཚོད་ཚོད་ལ་གློ་ལུ་བརྒྱབ་ཅིང་གད་མོ་ཆེན་པོ་ཤོར།

འགྲུལ་བཞུད་ཀྱི་ཟིན་ཐོ།

བོད་མི་ཞིག་གིས་རང་ལུས་མེར་བསྲེགས།

        ཉེ་ཆར་ཕྱི་ཟླ་༩ཚེས་༡༦ཉིན་བོད་ནང་མཚོ་སྔོན་ཞིང་ཆེན་མགོ་ལོག་ཁུལ་དགའ་སྡེ་རྫོང་གཙང་སྐོར་ཞོལ་མ་རྨེ་སྐོར་སྡེ་བའི་བོད་མི་མཚན་ལ་དཀོན་མཆོག་ཞུ་བ་ཞིག་གིས་རྒྱ་ནག་གི་ད་ལྟའི་སྲིད་འཛིན་ལས་ཐོག་པ་ཞིན་ཅིན་ཕེན་རྒྱ་གར་ནང་རྒྱལ་དོན་འཚམས་འདྲིའི་ལྟ་སྐོར་ལ་ཕྱིན་པའི་སྐབས་དང་བསྟུན་ནས། ས་གནས་ཡུལ་ཚོའི་ཉེན་རྟོག་ཁང་གི་སྒོ་འགྲམ་དུ་རང་ལུས་མེར་བསྲེགས་ཀྱིས་རྒྱ་གཞུང་ལ་ཞི་བའི་ངོ་རྒོལ་གནང་ཡོད་པ་དང་།

སྐབས་དེར་ཁོང་གི་ལུས་སྟེང་གི་མེ་བསད་ཐུབ་པ་བྱུང་ཡོད་པ་དང་། ཁོང་མྱུར་སྐྱོབ་ཆེད་སྨན་ཁང་དུ་ཁྱེར་ནས་མགོ་ཁོག་ཁུལ་ཐོག་ཏུ་སླེབས་པ་ན། རྒྱ་གཞུང་གིས་ཉེན་རྟོག་པས་བཀག་འགོག་བྱས་སྟབས། མཚན་མོར་ལམ་ཁ་འདྲ་མིན་བརྒྱུད་དམག་མིའི་ལག་ཏུ་ཤོར་མ་བཅུག་པར་ད་ལྟ་ཟི་ལིང་གི་སྨན་ཁང་ཞིག་ཏུ་མྱུར་སྐྱོབ་བྱེད་ཀྱིན་ནའང་། ད་ལྟ་ཁོང་ལ་ཕལ་ཆེར་གསོན་རེ་བ་ཞེ་དྲག་མི་འདུག་པ་དང་མཚམས་རེར་ཁོང་གི་དྲན་པ་རེ་སོས་དུས"མིག་ནས་འཆི་མ་འདོན་ཤོར་ངས་དོན་དག་འགྲུབ་མ་སོང་།"ཞེས་ཡང་ཡང་གསུང་གི་ཡོད་པ་དེ་ག་ས་གནས་བོད་མི་ཁག་ཅིག་གིས་ཕྱི་ཚེས་༤ཉིན་སྨན་ཁང་ཞིག་ཏུ་ཡོད་པའི་འདྲ་པར་དང་བཅས་འགྲེལ་བརྗོད་གནང་འདུག

མི་སྲིད་པའི་གཏམ་ཡན།

1. གསར་འགྱུར་འདིའམ་འགྱུར་འདི་ཡི་དངོས་ཤུགས་གཉིས་ནས་བསྟན་པ་ལྟར་ན་ནི་༧གོང་ས་མཆོག་རྒྱ་ནག་རི་བོའི་རྩེ་ལྔར་ཕེབས་མི་སྲིད་པ་ཞིག་རེད། རྒྱུ་མཚན་ནི། ༧གོང་ས་ཐམས་ཅད་མཁྱེན་པར"ངེས་པར་དུ་བོད་དེ་རྒྱ་ནག་གི་ཆ་ཤས་ཤིག་ཡིན་པར་ཁས་ལེན་དགོས"ཞེས་པ་དེ་གཅིག་པུས་ཡོད་ཚད་ཐག་ཆད་ཟིན་པའོ།།
2. ༧གོང་ས་མཆོག་གིས་མི་ལོ་ལྔ་བཅུ་ང་གྲངས་ཙམ་དུ་སྐུ་ངལ་ཚད་མེད་མྱངས་ནས་སྔར་གྱི་ལོ་རྒྱུས་ཁྲོད་བོད་ནི་རང་འགོ་ཡིན་པ་དང་། རྒྱ་ནག་གི་ཆ་ཤས་མིན་པར་གསུངས་དང་གསུང་བཞིན་པ་མཐའ་དག་གློ་རྡེག་ཏུ་ནག་གསུབ་གཏང་མི་སྲིད་པའོ།།

གང་ལྟར། ནམ་ཡང་འཆི་མི་ཉན།

^_^ སྤྱིར་ན། འདུས་པའི་ཐ་མར་འབྲལ་བ་ཆོས་ཉིད་དུ་སོང་ཡང་། ད་ལྟའི་བོད་ཀྱི་གླུ་གཞས་སྒྱུ་རྩལ་གྱི་ན་ཚོད་དང་ལྡེམ་མྱུར། ལྷག་པར་བོད་ཁམས་ཡོངས་སུ་སྙན་གྲགས་རྒྱས་ཤིང་། ངེས་པ་དོན་གྱིས་གདོང་མཆོང་དང་མདུན་བསྐྱོད་ཀྱི་འགྱུར་ཁུགས་རྒོད་པའི་༼གཡུ་འབྲུག་ཚན་སྡེབ་༽རང་ལ་མཚོན་ནའང་ཅུང་ཙམ་བློ་འགྱོད་སྐྱེ་བ་ཞིག་ཨེ་ཡིན་གྲང་།།

འཇིག་རྟེན།

འཇིག་རྟེན།

འཇིག་རྟེན་ནི་འདྲ་བའི་འདྲ་བོ་ཞིག་ཡིན།
འཇིག་རྟེན་ནི་འདྲ་བའི་འདྲ་བོ་ཞིག་མིན།

ཉི་མ་དང་འདྲ་བ་དག་རེ་རེ་བཞིན་ནུབ་པའི་རྗེས་ལ།

སླར་ཡང་། ཉི་མ་ཞིག་འཆར་མི་སྲིད་པ་མ་རེད་ཨང་།

23.09.2014

20/08/2014

དེ་རིང་ཞོགས་པར་འདི་ག་བོད་ཀྱི་དགུ་བཅུ་གསུམ་ལས་འགུལ་ཚོགས་པའི་ཚེམ་ཁང་དུ་མི་ལོ་༡༧ལ་ཕྱག་ལས་གནང་བའི་ཨ་ཅག་ཉི་མ་བདེ་སྐྱིད་ལགས་དང་ལོ་ངོ་༨ལྷག་ལ་ཕྱག་ལས་གནང་བའི་ཨ་ཅག་གྲིབ་སངས་རྣམ་གཉིས་ལ་སྐྱེལ་མའི་ཚུལ་དུ་ཚོགས་གཙོ་དང་དྲུང་ཆེ་དབུར་བཞུགས་ཀྱིས་སྟབས་བདེའི་གསོལ་ཇ་བཀྱགས་པ་དང་།

རང་དབང་གི་པར་བ་ཞིག་གིས་ལས་དོན་ཐོག་བཟུང་བའི་དམིགས་ཚད།

འདོན་སྤེལ། ༢༠༡༤/༠༨/༡༨

འདི་ལོའི་ལ་དྭགས་དུས་དབང་དང་བསྟུན་ཏེ་གསར་འགོད་པས་སོག་ཡུལ་དུ་གནས་སྡོད་བོད་རིགས་རང་དབང་གི་པར་བ་བསྟན་འཛིན་དཔལ་འབྱོར་ལགས་སུ། ཁོ་རང་ཐོག་མར་པར་གྱི་ལས་དོན་ལ་འཇུག་སྟངས་དང་བརྒྱུད་རིམ་སྐོར་ལ་བཅར་འདྲི་ཞུས།

དྲི་བ། ཐོག་མར་ཁྱེད་ངོ་སྤྲོད་མདོར་བསྡུས་ཤིག་གནང་རོགས།

ལན། ངའི་མིང་ལ་བསྟན་འཛིན་དཔལ་འབྱོར་ཟེར་གྱི་ཡོད། ཆུང་དུས་རྡོ་རྗེ་གླིང་དུ་འཚར་ལོངས་བྱུང་རྗེས་འཛིན་རིམ་བཅུ་གཉིས་པར་ས་གནས་ཀྱི་

བོད་གཞུང་སློབ་གྲྭར་ཕྱིན་པ་ཡིན། ༡༩༩༣ ལོར་བྷིང་ལོར་གཙུག་ལག་སློབ་ཆེན་ (North Bengal University)ཐོན་རྗེས་བལ་ཡུལ་ནང་ལོ་གསུམ་དང་ལྡི་ལི་ལོར་གཉིས་རིང་ཀརྨ་བཀའ་བྲིས་ཀྱི་ཐང་གར་སློབ་སྦྱོང་བྱས་པ་ཡིན། ༡༩༩༧ ལོ་ཙམ་ནས་པར་རྒྱག་མགོ་བརྩམས་ཤིང་། རྗེས་སུ་ཨ་རིར་ཕྱིན་ཏེ་ལོ་ལྔ་ཙམ་བསྡད་པ་ཡིན། ༢༠༠༩ ལོར་ཕྱི་སོག་གི་རྒྱལ་ས་ཨོ་ལིམ་པ་ཋོར་ཏུ་ཕྱིན་ཏེ་ད་ལྟ་དེ་གར་ལས་ཀ་བྱེད་བཞིན་ཡོད། ང་རང་འདས་པའི་ལོ་བཅོ་ལྔ་ཉི་ཤུའི་རིང་རྒྱལ་ཁབ་མང་པོའི་ནང་སྐོར་སྐྱོད་བྱས་ཏེ་པར་བརྒྱབ་པ་ཡིན། དམིགས་ཡུལ་གཙོ་བོ་པར་རིས་དང་འགྲེལ་བཤད་སྦྲགས་མའི་ལོ་རྒྱུས་ཡིག་ཆ་བཟོ་རྒྱུ་དེ་ཡིན།

དྲི་བ། ཁྱེད་ཀྱིས་ཐོག་མར་པར་རྒྱག་པའི་ལམ་བུ་འདི་ཇི་ལྟར་བདམས་པ་ཡིན་ནམ།

བོད་ཀྱི་གླུ་གཞས་དྲ་ཚིགས་གསར་བ།

བོད་ཀྱི་གླུ་གཞས་དྲ་ཚིགས་གསར་བ།

ྃགྲོགས་འབྲུག་འབུམ་ལགས་ཀྱིས་འཆར་འགོད་དང་སྒྲིག་བཟོ་ཆ་ཚང་བྱས་པའི་བོད་ཀྱི་གླུ་གཞས་ཕྱོགས་བསྡུའི་<རྩམ་ཁུག་དྲ་ཚིགས།>འདི་ཉིད་<http://www.tsamkuk.com/>ལེགས་པར་གྲུབ་པ་ལ་བཀྲ་ཤིས་རྟེན་འབྲེལ་ཞུ་རྒྱུ་དང་།

བླ་ལྷག་ཏུ་ང་ཚོའི་མི་རིགས་ཀྱི་སྐད་དང་ཡི་གེའི་ཉམ་ང་ཉག་ཕྲའི་དུས་འདིར་བོད་རང་གི་གླུ་གཞས་ཕྱོགས་བསྡུ་དང་གཞས་ཚིག་དག་ཀྱང་ཐད་གར་མཐོང་ཐུབ་པ་འདི་ནི་ན་ཆུང་སློབ་བུ་རིགས་ཤིག་གི་སྐོམ་པ་ལ་ཆུ་ཡིན་པས། ཕྲན་རང་གིས་ཀྱང་དགའ་གུས་དང་ཡི་རངས་བྱེད་ཀྱིན་ཡོད་པ་མ་ཟད་རྗེས་སོར་ཡང་། རྒྱུན་འཁྱོངས་ཀྱི་རྔུལ་ནག་ཅི་ཙམ་འདོན་ཐུབ་པ་དེ་ཙམ་གྱིས་འབྲས་བུ་གཡུར་དུ་ཟ་བ་ཞིག་ཡོད་པར་ཡིད་ཆེས་དང་བཅས། 

2014/0/08/06 ཉིན་གྱི་གྲོགས་པོ་རྡོ་རྗེ་ཚེ་རིང་གིས་གུས་ཕུལ།

ཕ་མ་དྲན་གཞས། Tsering Gyurmey

ྃཐེངས་འདིར། བོད་ཕྱི་ནང་གཉིས་སུ་སྙན་པའི་གྲགས་པ་འབར་བའི་བོད་ཀྱི་གཞས་པ་ཚེ་རིང་འགྱུར་མེད་ལགས་ཀྱི་སྐད་ངག་སྙན་མོའི་འགྱུར་ཁུགས་དང་། བོད་ཀྱི་ན་གཞོན་གཞས་པ་གྲགས་ཅན་འཇམ་དབྱངས་བཀྲི་ཤིས་ལགས་ཀྱིས་བརྩམས་གནང་བའི་སྙན་འཇེབས་ལྷོད་བག་གི་དབྱངས་རྟ་བཅས་ཀྱིས། ང་རང་གིས་བྲིས་པའི་གཞས་ཚིག་༼ཕ་མ་དྲན་གཞས།༽འདི་ཉིད་ཧ་ཅང་རང་གི་བློ་ཡིད་དུ་ལྷུང་བ་ཞིག་འཁྱོངས་འདུག་པས་ན། གཞས་འདིར་དངོས་ཤུགས་བརྒྱུད་གསུམ་ནས་ལྷག་བསམ་དག་པས་རོགས་འདེགས་གནང་མཁན་ཚང་མར་བཀའ་དྲིན་ཆེ་ཞུ་རྒྱུ་ཡིན།

2014/08/04 ཉིན་ཐོར་རྒོད་པ་སྤྱན་ཆབ་དུ་འབོད་པས་གུས་ཕུལ།

Missing PaMa

Lyric By ChenChab
Melody by T JamyangTashi
Singer Tsering Gyurmey

པེན་གྱི་ཚོགས་འདུར་ཞུགས་པ།

ཕྱི་ཟླ་༦ཚེས་༢༥ནས་༢༧བཅས་ཉིན་གསུམ་རིང་སི་པན་རྒྱལ་ཁབ་ཀྱི་གྲོང་ཁྱེར་ལྗེ་རོ་ན་རུ་ཡིག་སྒྱུར་དང་སྐད་ཡིག་རང་དབང་སྐོར་ཀྱི་ཚོགས་འདུར་མཉམ་ཞུགས་བྱས་པ།

MEETING OF THE TRANSLATION AND LINGUISTIC RIGHTS COMMITTEE

Girona, June 25th to 27th, 2014

བཅར་འདྲི་ཞིག

འོད་སྡེར་གསར་བ་<<དྲན་གི>>ཞེས་པའི་སྐོར་ནས་ཁ་བརྡ་ཐུང་ངུ་ཞིག

བཅར་འདྲི་བ། རྡོ་རྗེ་ཚེ་རིང་།

སྤྲིན་པ་དང་བརྩེ་བ།

སྤྲིན་པ་དང་བརྩེ་བ།

……..ས་མཐའ་ནས་ཕྱོགས་བཞིར་འཐོར་བའི་སེམས་གྲོགས་ཚོ་དྲན་པ།

མི་ཐེགས་པའི་ལེའུ། ༼ གཅིག ༽

མི་ཐེགས་པའི་ལེའུ། ༼ གཅིག ༽

--- ཤ་ཁྲག་ཉེ་འབྲེལ་གྱི་མི་བུ་མང་དག་ཅིག་དང་ཁ་བརྡ་གློད་རྗེས།

མི་སེམས་གྱོང་བོ།

ང་ལའང་རླུང་གི་གཤོག་པ་གཉིས་ཡོད་ཅིང་།
འཕུར་བསྐྱོད་ཀྱི་ཡིད་འགུག་ཀྱང་ཡོད་རེད།
ཡིན་ནའང་། ནམ་མཁའ་འདྲ་ཆགས་པོ་དང་།
སྤྲིན་ཕུང་མཐའ་ནག་པ་ཐམས་ཅད་ལ།
ང་ཡི་མིག་ཟུང་སྤྱོད་ཐབས་མི་འདུག
ང་ཡི་སེམས་ཉིད་བརླན་སྙིང་མི་འདུག