བསྟི་བསྟང་གཞན་ཞིག
__ COVID-19 ནད་ཡམས་ལ་བྲིས་པ།
སྐྲན། [སིཌི་ནིས།]ད་ལོའི་ལྗན་ལྗིན་ནད་ཡམས་ཀྱིས།། ས་ལ་ལྕགས་མཁར་སྒོ་མེད་བསྐོར།། ཁྲིམས་ཀྱི་སྐྱ་ཐིག་ག་གོར་བརྒྱབས།། ལག་འཇུ་བཀག་ཅིང་ཁ་རས་བཀབ།། བར་ཐག་བཅད་ཅིང་ནང་དུ་བཀག། འོན་ཏེ་ཤེས་རབ་སྤྱན་དག་གིས།། སྒེའུ་ཁུང་ངོས་སུ་ཉི་འོད་བྲིས།། དེ་ལ་མཚོ་དང་བྱེ་ཐང་བསྐྱིལ།། ཆུ་རྐྱལ་བྱས་ཤིང་གན་རྐྱལ་ཉལ།། ཉི་མར་ལྡེ་བའི་ཚ་སྣང་གིས།། ཁོ་རོ་ན་ཡང་ནད་པར་བཟོས།། ཕྱི་མཚམས་ནང་མཚམས་བར་མེད་གཏོར།།
འཇིག་རྟེན་དྲ་རྒྱས་མིད་གྲབས་འདིར།། ནང་མིའི་ལྷན་འཛོམས་འཐོར་གྲབས་འདིར།། གོ་སྐབས་ཞེས་པ་འདི་ཙམ་སྟེ།། ལྷན་འཛོམས་ཤེ་ནའང་འདི་ཀོའོ།། ཁོ་རོ་ན་ཡི་བཀའ་དྲིན་ལ།། བཟའ་མི་གོ་ཁར་གོར་རེར་བསྡུས།། བློ་བཀོད་ཅན་དག་སྐྱིད་ལ་རོལ།། རྐྱེན་ངན་གྲོགས་ཤར་སྟོན་ཆེན་བཤམས།། ཤ་ཆང་གླུ་དང་གར་ལ་རོལ།། སྐྱིད་ཀྱི་གོ་སྐབས་སྟེང་དུ་ཉལ།། ཁོ་རོ་ན་ཡི་གཉའ་ནས་མནན།། ནད་ཡམས་མེད་མུག་ཐལ་བར་བརླགས།།
Sydney 06/04/2020
No comments:
Post a Comment