གླུ་མ་ཁྱོད་སྐྱོ་དོན་མི་འདུག

_______ གླུ་མ་ཀླུ་མོ་འཚོ་ལགས། ཁམས་བཟང་། གཞན་གྱི་རྫུན་བཟོ་དེ་དག་ལ་ཁྱོད་རང་སྐྱོ་དགོས་དོན་དང་སྡུག་དགོས་དོན་ཁྱོན་ནས་མི་འདུག

ཉིད་ཀྱིས་ཉེ་སྔོན་ཕྱི་ཚེས་༢༥ཉིན་གནའ་མཁར་ཟི་ལིང་ནས་གུས་པའི་ཐལ་སྦྱར་དང་བཅས་འགྲེལ་བཤད་ཕྲན་བུ་ཞིག་བྲིས་འདུག་པ་དེ་མཐོང་ཡོད་ལ། དེ་བྲི་དགོས་དོན་གྱི་བྱ་ལས་ཕྲན་ཙམ་པ་དེའང་མཐོང་ཡོད།

སྔར་མི་ཞིག་ཁྱོད་ལ་ཧ་ཅང་དགའ་བ་ཡིན་ནམ། ཡང་ན། དེང་སང་ཁྱོད་ལ་ཁྱོན་ནས་མི་དགའ་བའང་ཡིན་ཡང་སྲིད། གང་ལྟར། འདི་ལྟ་བུ་དག་ནི་དེང་གི་ཅོལ་ཆུང་ཀླད་སྟོང་ཚོས་བྱ་བྱེད་ཉག་གཅིག་ཡིན་སྟབས།  དེ་ལ་སེམས་འཁྲུལ་བ་དང་སེམས་ན་བ། ཚིག་པ་ཟ་དོན་ཡང་ཁྱོན་ནས་ཡོད་པ་མ་རེད།

སངས་རྒྱས་འཚོས་རང་ལུས་མེར་བསྲེགས།

རྒྱལ་གཅེས་དཔའ་མོ་སངས་རྒྱས་འཚོ།

ཁ་སང་སྟེ་ཕྱི་ཚེས་༢༧ཞོགས་པའི་བོད་ནང་གི་ཆུ་ཚོད་ ༤ ཙམ་ལ་ཀན་སུའུ་ཞིང་ཆེན་ཀན་ལྷོ་ཁུལ། ཅོ་ནེ་རྫོང་ཆུ་བུ་ཤིས་སམ་ཆུ་དཔལ་ཡུལ་ཚོ་རྨེ་རུ་སྲིབ་པ་སྡེ་བའི་བོད་རིགས་བུ་མོ་སངས་རྒྱས་འཚོ་ལགས་ཀྱིས་ཆུ་བུ་ཤིས་དགོན་པའི་ཉེ་འདབས་སུ་ཡོད་པའི་རྒྱ་གཞུང་སྤྱི་བདེ་ཉེན་རྟོག་པ་དང་དམག་མི། ལས་དོན་རུ་ཁག་བཅས་མཉམ་སྡོད་བྱེད་སའི་ (分局) སྒོ་ཁར་རྒྱ་གཞུང་གི་གཡོན་ཐལ་སྲིད་ཇུས་ལ་ངོ་རྒོལ་གྱིས་རང་ལུས་མེར་བསྲེགས་གནང་སྟེ་འདས་གྲོངས་སུ་ཕྱིན་ཡོད་འདུག

དགོན་མཐའི་(分局) རྒྱ་གཞུང་ལས་ཁུངས་དེ་སྔོན་ཆད་ཆུང་ངུ་ཞིག་ལས་མེད་ཀྱང་། ཕྱི་ལོ་༢༠༠༨ལོའི་ས་བྱི་ཞི་རྒོལ་སྐབས། ཆུ་བུ་ཤིས་དགོན་བཀྲ་ཤིས་ཆོས་འཁོར་གླིང་གི་དགེ་འདུན་པ་ཚོས་འོས་ལངས་བྱས་པའི་རྗེས་སུ་ལས་ཁུངས་དེ་སྔར་ལས་རྒྱ་བསྐྱེད་དེ་ཆེ་རུ་བཏང་ཡོད་འདུག

སྙན་ངག་པ་རྩེ་སྐར་ལགས་ལ་བཅར་འདྲི།

 "འདིར་རྩོམ་པ་པོ་ཡིན་ཟེར་མཁན་མང་པོ་ཞིག་ལ་གཞན་ལ་གསེག་འདྲི་དང༌། རྒོལ་སློང༌། དམའ་འབེབས། རང་ལྟ་མཆོག་འཛིན་གྱི་ཁེངས་སེམས་དང་ང་རྒྱལ་བཅས་ཀྱི་སྣང་བ་ཞིག་རང་ཤུགས་ཀྱིས་འཇགས་ནས་ཡོད་པའི་སྣང་ཚུལ་ཞིག་མཐོང༌། གནད་དེ་ནི་འདིར་ང་ཚོ་ཕྱི་སྡོད་པ་ཚོའི་ཁྲོད་ཁོར་ཡུག་ལ་དཔག་སྟེ་མིག་དཔེ་བལྟ་སའི་རྩོམ་པ་པོ་ཚད་ལྡན་གྲས་ཀྱི་དཔུང་ཁག་གམ་སྣེ་ཁྲིད་མེད་པར། དུས་རྒྱུན་ཚགས་དེབ་དང་དྲ་ངོས་བཅས་སུ་རྩོམ་ཡིག་རེ་འབྲི་མཁན་ཚོའི་གྲས་སུ་ཤེས་ཡོན་གྱི་ཆ་ནས་སློབ་སྦྱོང་གི་བརྒྱུད་རིམ་ངེས་ཅན་ཞིག་མེད་སྟབས། རང་རྒྱུད་ལ་ཤེས་བྱ་ཡོན་ཏན་ཅི་ཡང་འཇགས་མེད་པར་རང་ཉིད་ཀྱི་བསམ་བློ་དང་ཀུན་སྤྱོད་སོགས་འདུལ་གཅུན་ཐུབ་མེད་པ་དང༌། དེ་མཚུངས་རྩོམ་ཡིག་འབྲི་བའི་ཚད་གཞིའང་རིམ་པ་ངེས་ཅན་ཞིག་ལ་སླེབས་མེད་ནའང༌། ཕྱི་རོལ་གྱི་ཁོར་ཡུག་ཆུང་ཆུང་འདིར་བསྟུན་གྱིས་རྩོམ་ཡིག་ཙམ་ཞིག་འབྲི་ཤེས་པ་དེས་རང་ཉིད་རྩོམ་པ་པོ་ཞིག་ཡིན་མདོག་གི་ཁེངས་སེམས་ཆེན་པོ་ཤིག་བཟུང་སྟེ། བསམ་བློ་གཏོང་མི་ཤེས་པ་ལྟ་བུའི་དཀྱུས་མའི་བསམ་སྤྱོད་དེས་ང་རྒྱལ་དང་ཁེངས་སེམས་ཀྱིས་གཞན་ལ་གསེག་འདྲི་དང་དགག་རྒྱག འཕྱ་སྨད་སོགས་ཀྱི་ཚིག་སྣེ་རྐྱང་རྐྱང་ལ་འཇུས་ནས་ཡོད་པ་དེས་ཤན་ཤུགས་ཀྱིས། གསར་དུ་རྩོམ་ཡིག་འབྲི་བར་ཕྱོགས་མཁན་མང་པོ་ཞིག་གི་བསལ་བློ་ལའང་ཕོག་ཐུག་བཏང་སྟེ། ཕན་ཚུན་དགག་རྒྱག་དང་དམའ་འབེབས་བྱེད་པའི་འཐེན་འཁྱེར་གྱི་སྤྱོད་ཚུལ་དེ་ལ་རང་ ཤུགས་ཀྱིས་ཞུགས་དགོས་པ་ཞིག་ཆགས་ཀྱི་ཡོད་པ་རེད་བསམ།"

སྙིང་ཉེ། སྙིང་ཉེ། གཡུ་འབྲུག་ཚན་སྡེབ།

གཏམ་རྒྱུད་ཅིག གཡུ་འབྲུག་ཚན་སྡེབ།

མུ་འབྲེལ་ལྷུག་བརྗོད་རིང་མོ་ < ང་། > ལས་ཁག་བཅོ་བརྒྱད་པ།

ཁ་ཝུ་བ་དང་ཀླད་པ་ད་ར་བྱས་ནས་ཅིག་བཤད་བཤད་པས་ཕན་དོན་མེད་དེ།
ཁྱོད་ལ་མངོན་ལྐོག་གི་གྱ་གྱུའི་དྲི་ངན་འགོས་ན།
ཁྱོད་ལ་འགན་འཁྲི་མི་དགོས་པའི་སྐྱག་རྫུན་གྱི་གོམས་གཤིས་ཆགས་ན།

ཚེ་ནོམ།

དུས་ཀྱི་མུན་ནག་མཁར་རྫོང་འདི།།
བམ་པོ་འདི་ཀོས་མ་བརྟོལ་བས།།
ད་ནི་རྨི་ལྟས་བཟང་ངན་ལ།།
ཟུར་མིག་གཡས་འཕེན་གཡོན་འཕེན་བྱ།།