___ ས་མཐར་གྲོགས་མཆོག་ཅིག་དྲན་པ།
ང་རང་ན་ནིང་དགུན་གྱི་དུས་སུ་འབྱོར།།
དེ་དུས་ཨོ་གླིང་རྒྱ་མཚོ་སྔོ་མེར་དྭངས།།
དེ་ནས་དཔྱིད་དང་དབྱར་ལའང་རྙོག་མ་གྱུར།།
ད་ནི་སྟོན་རྫོགས་དགུན་ཟླ་མགོ་མ་ཚེས།།
རྒྱ་མཚོ་འདི་ཉིད་གྲོགས་མཆོག་ཁྱེད་ཉིད་བཞིན།།
དྭངས་བསིལ་འདི་ཡིས་ང་ལ་བདེ་སྟོང་སྟེར།།
ཁྱོད་ཉིད་འདི་ཡི་ཕར་ན་སྔོ་མེ་རེ།།
ཁྱོད་ཉིད་འདི་ཡི་རྒྱབ་ན་འཇམ་ཤར་ལེར།།
བསམ་ན་རྒྱ་མཚོ་འདི་ཡི་རྦ་རླབས་ནི།།
རྣ་ལ་ཅུང་ཙམ་གཟན་ཞིང་མིག་ལ་རྫོབ།།
ཡིད་ལ་ག་ལེར་གནག་ཅིང་སྡང་སེམས་སྟེར།།
དོན་དམ་ང་ཡིས་ཁྱོད་ཉིད་ཡང་ཡང་དྲན།།
02/07/2019 Australia