ངས་བལྟས་ན་བོད་ཀྱི་ཆུ་དང་ཆོས་གཉིས་ཆར་ལ་ཀྲུང་གོ་བ་སྐྱོབ་པའི་ནུས་པ་ཡོད།༼༡༽
我认为藏地的水与佛法皆有救中国的作用（1）
བཛྲ་ཚུལ་ཁྲིམས་རྒྱ་མཚོ།
班字尔慈智加措
དང་བོ། བོད་ཀྱི་ཆུས་ཀྲུང་གོ་བ་སྐྱོབ་ནུས་ཚུལ་ཅུང་ཙམ་གླེང་བ།
一，略谈西藏之水能救中国人之理
སྐྱབས་དང་སྐྱོབ་པ་ཞེས་པའི་ཐ་སྙད་འདི་ལ་དེང་དུས་ཀྱི་ན་གཞོན་མང་བོ་ཞིག་དེ་ཙམ་མི་དགའ་བར་སྣང་སྟེ། མི་ཡི་ནུས་པ་གནམ་ལས་རྒྱལ་བར་ངེས་པས། ང་ཚོས་རང་བྱུང་ལ་བཅོས་བསྒྱུར་བྱེད་དགོས་ཤིང་།
རང་བྱུང་འདུལ་སྦྱོང་བྱེད་དགོས་ཞེས་པ་ལྟ་བུའི་སྒྲུབ་བྱེད་ལྟར་སྣང་རེ་ལ་བརྟེན་ནས།
མི་དང་རང་བྱུང་སོགས་སུ་དང་གང་ལའང་བརྟེན་མི་དགོས་པར་རང་ཉིད་གཅིག་བུའི་ནུས་པ་ལ་བརྟེན་ནས་ཡོད་ཚད་ལས་རྒྱལ་ནུས་ཚུལ་སོགས་སྟོང་སྣང་འབའ་ཞིག་བཙན་གྱིས་སྒྲུབ་པར་འདོད་ཅིང་།
འདུས་བྱས་རྟེན་འབྱུང་གི་ཆོས་ཉིད་ལ་བསྙོན་ཅི་ནུས་བྱེད་དོ།།
རེ་ཞིག་གཞན་ཐམས་ཅད་གླེང་རྒྱུ་བཞག་ནས་ཆུ་ལ་མ་བརྟེན་པར་སྡོད་ལུགས་མེད་ཚུལ་བཤད་ན།
སྣོད་ཀྱི་འཇིག་རྟེན་ཐམས་ཅད་དང་། དེ་ལ་བརྟེན་པའི་བཅུད་ཀྱི་སེམས་ཅན་མ་ལུས་པ།
ཆུ་ཞེས་པའི་འཇིག་རྟེན་འདིར་ཆེས་རྨང་གཞིར་གྱུར་བའི་དངོས་པོའམ་རྫས་ཤིག་ཡོད་པ་དེའི་མཐུ་ལ་ངེས་པར་བརྟེན་དགོས་ཤིང་།
ཆུའམ་ཆུའི་རྫས་ཡོད་པས་སྐྱེ་དངོས་དང་སྲོག་ཆགས་མ་ལུས་པའི་་སྲོག་གནས་པ་དང་འཕེལ་བ་དང་རྒྱས་པར་གྱུར་བ་ཡིན་ནོ།།
རྟེན་འབྱུང་གི་ཆོས་ཉིད་ཁས་མི་ལེན་པ་ཁོ་རང་ཡང་། གལ་ཏེ་མི་ཞིག་ཡིན་པ་ཁས་ལེན་རྒྱུ་ཡིན་ན།
ཆུ་ལ་མ་བརྟེན་ཐབས་མེད་ཡིན་ཏེ། དེང་རབས་རིག་གནས་ཀྱི་བཤད་ཚུལ་ལྟར་ན་ཁམས་སྙོམས་པའི་མི་ཞིག་གི་ལུས་ལ་ཆ་བཞག་ན།
ཕལ་ཆེར་དེའི་ལྗིད་ཚད་ཀྱི་བརྒྱ་ཆའི་དྲུག་ཅུ་རེ་བརྒྱད་ཙམ་དེའི་ལུས་ལ་གནས་པའི་ཆུའི་ལྗིད་ཚད་ཀྱིས་ཟིན་པར་བཤད་པས་སོ།།
༢༠༡༦ལོའི་ཟླ་༤ཚེས་༢༦ཉིན།
རྭ་རྒྱ་ཤེས་རིག་ནོར་བུའི་གླིང་ནས།
