བྱ་མདོ་རབ་རྒྱས་ཀྱི་སྙན་ངག་བདམས་བཀོད།
བྱ་མདོ་རབ་རྒྱས། 1969ལོར་བྱ་མདོ་ནས་སྐྱེས། སློབ་ཆུང་མཐར་ཕྱིན་རྗེས་རང་ལོ་བཅུ་བདུན་སྟེང་རབ་ཏུ་བྱུང་སྟེ་སྔ་ཕྱིར་ཕ་ཡུལ་གྱི་ཚ་རྔ་དགོན་པ་དང་། ལྡེ་ཚ་བཀྲ་ཤིས་ཆོས་སྡིངས། བླ་བྲང་བཀྲ་ཤིས་འཁྱིལ། ཀླུ་ཚང་དགོན་ཆེན་སོགས་སུ་བསྡུས་ཚད་དབུ་ཕར། ཐ་སྙད་རིག་གནས་སོགས་ལ་སློབ་སྦྱོང་དང་། ཉིས་སྟོང་ལྔ་ལོའི་སྟོན་ཁར་ཚ་རྔ་དགོན་པའི་སློབ་གྲྭ་ལྔ་རིག་གཏན་དར་གླིང་བཙུགས་ཏེ་དེ་གར་དགེ་རྒན་དང་། ཉིས་སྟོང་བཅུ་གསུམ་ལོར་མཚོ་སྔོན་བོད་བརྒྱུད་ནང་བསྟན་སློབ་གླིང་གི་གདན་ཞུ་དགེ་རྒན་དང་། ཉིས་སྟོང་བཅུ་དྲུག་ལོའི་སྟོན་ཁ་ནས་བཟུང་ཡང་བསྐྱར་མཚོ་སྔོན་བོད་བརྒྱུད་ནང་བསྟན་སློབ་གླིང་གི་གདན་ཞུ་དང་ལེན་གྱིས་ད་ལྟ་དེ་གར་དགེ་རྒན་གྱི་ལས་ཀ་བྱེད་བཞིན་ཡོད། རང་ལོ་ཉེར་གཅིག་ནས་བཟུང་གསར་རྩོམ་གྱི་ལས་ཀར་ཞུགས་ཏེ་སྔ་ཕྱིར《སྦྲང་ཆར》དང་། 《གངས་རྒྱན་མེ་ཏོག 》 《ཁྲིམས་ལུགས་ཚགས་པར》སོགས་སུ་སྙན་རྩོམ་བརྒྱ་ལྷག་སྤེལ།
