༄༅། །གྲོགས་པོ་འཁོར་ལོ་ལ་སྤྲིངས་པའི་འཕྲིན། འོས་སྦྱོར།

མཛེས་སེ།

གྲོགས་པོ་འཁོར་ལོ་ལགས། ཉེ་ལམ་སྐུ་ཁམས་གསལ་དྭངས་ཡིན་ཤག  

       

དེ་རིང་ནི་བོད་རབ་བྱུང་བཅུ་བདུན་པའི་ཤིང་མོ་ལུག་ལོའི་ཟླ་ ༡༠ ཚེས་ ༢༩ཉིན་ཏེ། གྲོགས་པོ་ཁྱེད་རང་ངོ་ཤེས་ནས་ཏག་ཏག་ལོ་ངོ་ཉི་ཤུ་འགོར་བ་རེད།འུ་གཉིས་ཀ་ངོ་ཤེས་པ་དང་གྲོགས་པོར་གྱུར་ནས་ད་ལྟའི་བར་དུ་ངས་ཁྱེད་ལ་འཕྲིན་ཡིག་གཅིག་ཀྱང་བྲིས་མ་མྱོང་ཞིང་འདི་ནི་ཐེངས་དང་བོ་ཡིན་པས་ཁྱེད་རང་ཡ་མཚན་སྐྱེ་སྲིད།གལ་ཏེ་ཁྱེད་ཀྱིས་སྤྲིངས་པའི་འཕྲིན་ཡིག་ཅིག་གློ་བུར་དུ་འབྱོར་ཚེ་ངའང་ཡ་མཚན་སྐྱེ་སྲིད་པ་ཁོ་ཐག་རེད། རྒྱུ་མཚན་ནི་ད་ལྟའི་དུས་སྐབས་འདི་ལ་དཀར་འཇམ་ཤོག་གུའི་ངོས་ལ་ཡི་གེ་ནག་ཆུང་བྲིས་ཏེ་ཕན་ཚུན་འཕྲིན་ཡིག་བསྐུར་མཁན་ཧ་ཅང་ཉུང་བས་སོ།།